पुनर्निर्माणका लागि रू. १ खर्ब ४५ अर्ब बजेट
जेठ २६, काठमाडौं । आगामी आर्थिक वर्ष २०७२/७३ को बजेट सीमा रू. ८ खर्ब ८० अर्बको पुग्ने भएको छ । भूकम्पले क्षति पुर्याएका संरचनाको पुनर्निर्माण र राहतका लागि सरकारले बजेट सीमा बढाएकोे हो । ‘सरकार भूकम्पले पुर्याएको क्षतिको आकलन गरी बजेटको सीमा बढाउने तयारीमा जुटिरहेको छ,’ राष्ट्रिय योजना आयोगका उपाध्यक्ष प्राडा गोविन्दराज पोखरेलले भने, ‘आगामी बजेट रू. ८ खर्ब ८० अर्बसम्मको पुग्नसक्छ ।’ यो आकारको बजेट आयो भने त्यो चालू आवको भन्दा रू. २ खर्ब ६२ अर्बले बढी हुनेछ । चालू आवको बजेटको आकार रू.६ खर्ब १८ अर्ब छ ।
जेठ २६, काठमाडौं । आगामी आर्थिक वर्ष २०७२/७३ को बजेट सीमा रू. ८ खर्ब ८० अर्बको पुग्ने भएको छ । भूकम्पले क्षति पुर्याएका संरचनाको पुनर्निर्माण र राहतका लागि सरकारले बजेट सीमा बढाएकोे हो । ‘सरकार भूकम्पले पुर्याएको क्षतिको आकलन गरी बजेटको सीमा बढाउने तयारीमा जुटिरहेको छ,’ राष्ट्रिय योजना आयोगका उपाध्यक्ष प्राडा गोविन्दराज पोखरेलले भने, ‘आगामी बजेट रू. ८ खर्ब ८० अर्बसम्मको पुग्नसक्छ ।’ यो आकारको बजेट आयो भने त्यो चालू आवको भन्दा रू. २ खर्ब ६२ अर्बले बढी हुनेछ । चालू आवको बजेटको आकार रू.६ खर्ब १८ अर्ब छ ।
भूकम्पअघि राष्ट्रिय योजना आयोगले रू. ७ खर्ब ३५ अर्बको बजेट सीमा निर्धारण गरेको थियो । उपाध्यक्ष डा. पोखरेलका अनुसार आगामी वर्षको बजेट पुनर्निर्माण तथा पुनःस्थापनामा केन्द्रित हुनेछ । त्यस्तै, मानव विकास सूचाकाङ्कमा पछाडि परेका क्षेत्रलाई माथि उठाउनु, प्राथमिकताप्राप्त तथा राष्ट्रिय गौरवका योजनालाई समयमा सम्पन्न गर्नु पनि बजेटको प्राथमिकतामा पर्नेछन् । क्रमागत आयोजनाको बजेटलाई भूकम्पले प्रभाव नपार्ने उनको भनाइ छ ।
आयोगले सो सीमासम्मको बजेट ल्याउने बताए पनि बजेट सीमाको टुङ्गो भने दाताहरूसँगको सम्मेलनपछि मात्र लाग्ने बताइएको छ । अहिले सो बजेट सीमामा रहेर बजेट तयारी गर्दै गरे पनि दाताहरूले गर्ने सहयोगका आधारमा सो सीमा पुनः संशोधन हुन सक्नेछ । अर्थमन्त्री डा. रामशरण महतले प्रत्येक मन्त्रालयअन्तर्गत पुनर्निर्माणको सन्र्दभमा छुट्टै बजेट शीर्षक राखिने बताएका छन् । सोही शीर्षकअन्तर्गत सम्बन्धित मन्त्रालयले पुनर्निर्माणको काम गर्नुपर्ने उनको भनाइ छ । पुनर्निर्माणमा आउने वैदेशिक सहयोग सरकारी संयन्त्रबाट सम्झौता र शर्तअनुसार खर्च गरिने उनले बताए । साथै, पुनर्निर्माण र पुनःस्थापनाका लागि वैदेशिकबाहेक आन्तरिक स्रोतको पनि प्रचुर प्रयोग गरिने अर्थमन्त्रीले बताएका छन् ।
आयोगले आगामी बजेट रू. ८ खर्ब ८० अर्बका लागि राजस्वबाट रू. ५ खर्ब उठाउने प्रस्ताव गरेको छ । तर, भूकम्पका कारण कृषि, पर्यटन, व्यापार, रियल इस्टेट, पूर्वाधार निर्माणलगायत सेवाक्षेत्रमा समेत प्रभाव पारेकाले रू. ४० अर्ब कम राजस्व उठ्ने अर्थ मन्त्रालयले बताउँदै आएको छ । भूकम्पअघि आगामी आवमा रू. ५ खर्ब १२ अर्ब राजस्व उठाउने सरकारको तयारी थियो । त्यसैगरी वैदेशिक सहयोगबाट बजेटका लागि रू.२ खर्ब ५० अर्ब उठाउने तयारी सरकारले गरिरहेको छ । भूकम्पअघि वैदेशिक सहयोगबाट रू. १ खर्ब ४८ अर्ब र आन्तरिक ऋणबाट रू. ७४ अर्ब जुटाउने सरकारको तयारी थियो । बजेट स्रोतका लागि सरकारले आन्तरिक ऋणबाट रू.१ खर्ब ३ अर्ब उठाउने तयारी गरिरहेको छ ।
Source : Aviyan
Thank you for Visiting Us. Comment us @ http://www.facebook.com/subichaar
Comments
Post a Comment
Comment us and help for make it better!!