साहित्य-मुक्तक र गजल

Rajendra Shrestha

मुक्तक

प्रेम नसा होइन प्रत्येक क्षण पिइरहन्छ

मनमा लागे हजार चोट प्रत्येक क्षण सिइरहन्छु

जिन्दगीको तपस्यामा दिव्य वर पाएपछि

मृत्युञ्जली भएर म प्रत्येक क्षण जिइरहन्छु ।

गजल

फोक्कडको जिन्दगी चुरोटले पोल्छु अचेल ।

धुँवाको नशामा तिम्रो याद घोल्छु अचेल ।

समयको गतिसँगै मन एकोहोरो भएपछी,

तारा गन्दै रातमा शुन्यसँग बोल्छु अचेल ।

भित्री पीडा जिन्दगीको काव्यपान काँहा हो र

तैपनी व्यथा सबै गजलभित्र खोल्छु अचेल ।

पलपल श्वास फेर्न चुरोटनै चाहिएपछी,

गर्वसाथ आफुलाई रु पाँच मोल्छु अचेल ।