शनिवारिय:- साहित्य

 गजल



जलेको प्रतिबिम्ब हेर मेरो रोएको प्रतिध्वनि सुन

बल्ल स्बाद खाएछ भनि मनमनै खुसि गुन

सडकको मान्छे म फाँसिको फन्दामा पर्दाखेरी

जीत भयो तिम्रै, छोयौ तिमिले आकासका जुन

तिम्रो मेरो अलिखित सम्बन्ध बालुवाको घर भयो

मेरो हारेको लाश टेकि, ठुला सपनाका महल बुन

चोखो मेरो प्रित मनलाई अपमानित आस्था बनाई

अब तिम्रो रँगिन सपनामा मनको राजकुमार चुन

मरेका मेरा आँखालाई सेतो कपडाले छोपि

रमाउनलाइ उसैसँग फुलैफुलक माला उन ।

                            - प्रदिपचन्द्र सुबेदी