साम्यवाद

क. लेनिनको नेतृत्वमा रुसमा महान् समाजवादी अक्टोबर क्रान्ति सम्पन्न भयो । क्रान्तिपछि लेनिन रुसका स्वतन्त्र शासक बने । तर, विशाल रुसका शासक बनिसक्दा पनि लेनिनले आफ्नो संघर्षका दिनलाई बिर्सेका थिएनन् । उनी राष्ट्रपति भइसक्दा पनि हरहमेसा पहिलाकै झैँ साधारण मैलो कोट, ठूलो हवालो पतलुन लगाएर हिँड्थे । उनलाई धेरै मित्रले सम्झाउँथे, तर लेनिन ती सल्लाह सुझाबलाई मुस्कुराउँदै त्यसै टारिदिन्थे ।

एक दिन उनका एक मित्रलाई लेनिनको सो साधारण घर र व्यवहार देखेर सारै खिन्न भयो । त्यसमाथि दिनमा २० घन्टा काममा जोतिने, चियामा चिनीसमेत नहाली पिउनेजस्ता लेनिनका बानी सहन नसकेर त्यस मित्रले लेनिनलाई भने, 'कमरेड आजको स्थितिमा तपाइर्ंलाई साधारण पहिरन एवं साधारण घर सुहाउँदैन । त्यसमाथि तपाईंको खानासमेत अति साधारण छ, आखिर यस्तो किन ?'

लेनिनले मित्रको कुरालाई राम्ररी सुने र मुस्कुराउँदै भने, 'कमरेड, म भन्छु म त भाग्यमानी छु । आखिर मसँग बस्नका लागि साधारण भए पनि घर त छ । ती मानिसको कस्तो हालत होला जसको सानो छाप्रोसमेत छैन । मसँग लगाउन कोट त छ र चिनी नभए पनि चिया त छ । सोच्न चाहनुहुन्छ भने ती मानिसका बारेमा सोच्नुहोस्, जसको यति पनि छैन । अब तपाईं आफैँ भन्नुहोस्, म आफ्ना दाजुभाइलाई भोकैनांगै राखी कसरी मीठो खाना सक्छु र राम्रो लगाउन पाउँछु ? मेरो के औकात छ ? हामीले यी यस्ता असमानता हटाउन यतिका वर्ष संघर्ष गर्याँ ै । यदि पुनः मैले यस्तो असमान व्यवहार गरेमा त्यस संघर्षको के नै मूल्य रह्यो र ती वीर योद्धाको नजरमा मेरो के इज्जत होला ? यसैले हामी समानतामा विश्वास गछौर्ं । हामी कम्युनिस्ट बन्ने प्रयत्नमा छौँ र साम्यवाद हाम्रो लक्ष्य हो ।'

लेनिनको यस्तो युक्तिसंगत कुरा सुनेर ती मित्र लज्जित हुँदै लेनिनसँग माफी मागे