प्रेरक प्रसँग-समयको मूल्य

एक दिन एक पुस्तक पसलमा ग्राहक आए । केही क्षण पुस्तक हेरिसकेपछि उनले पसलको एक कर्मचारीसँग सोधे, 'यो पुस्तकको मूल्य कति हो ?'


उसले भन्यो, 'एक डलर ।'

'केही कम हुन सक्दैन ?' तिनले फेरि सोधे ।

'अहँ सकिन्न ।' कर्मचारीले स्पष्ट गरिदिए ।

ग्राहक केही क्षणसम्म अरू पुस्तक हेर्न थाले । फेरि उनले कर्मचारीसँग सोधे, 'के तपाईं पसलको मालिकलाई बोलाउन सक्नुहुन्छ ? म उनीसँग भेट्न चाहन्छु ।'

पसल मालिक आएपछि ग्राहकले उनीसँग सोधे, 'यो पुस्तक तपाईं कतिसम्म घटाएर दिन सक्नुहुन्छ ?' जवाफ मिल्यो, 'सवा डलर ।' ग्राहक आश्चर्यचकित भए । उनले भने, 'तर भर्खरै तपाईंको कर्मचारीले यसको मूल्य एक डलर बताएका थिए ।' 'हो, उसले भनेको ठीकै थियो । त्यसमा मेरो समयको मूल्य जोडिएको छ ।'


'ठीक छ, जुन मूल्य नलिई नछाड्ने हो, अन्तिमपटक बताउनुहोला,' ग्राहकले भने । 'डेढ डलर । तपाईं जति ढिलो गर्दै जानुहुन्छ, पुस्तकको मूल्य बढ्दै जानेछ । किनकि समयको मूल्य पनि यसैसँग जोडिँदै जानेछ ।' ग्राहकसँग अरू कुनै उपाय थिएन । उनले एक डलरको पुस्तक डेढ डलर दिएर किने ।

समयको मूल्य थप्ने ती मालिक अमेरिकाका बेन्जामिन प्रे+mकलिन थिए, जो पछि प्रख्यात आविष्कारक, राजनीतिज्ञ र दार्शनिक बने ।
(स्रोत : नयाँपत्रिका)