नेप्सेमा सामान्य सुधार

साताको अन्तिम दिन बिहीबार भने नेपाल स्टक एक्सचेन्ज (नेप्से) मा  सामान्य सुधार देखिएको छ । बुधबार दोहोरो अंकले घटेको नेप्सेमा बिहीबार जलविद्युत् समूहको परिसूचक दोहोरो अंकले बढ्नु तथा बैंकिङ पनि सकारात्मक रहेपछि नेप्से सकारात्मक देखिएको हो । कारोबार सुरु भएदेखि ओरालो लागेको नेप्से मध्य समयतिर ७ अंकसम्मले घटेको नेप्से कारोबार बन्द हुँदा भने ०.०३ अंकले बढेको छ । नेप्सेमा चिलिमे हाइड्रोपावर, अरुण भ्याली र बुटवल पावर कम्पनीको सेयर मूल्य बढेपछि जलविद्युत् समूह दोहोरो अंकले बढेको हो ।

यस्तै, एभरेष्ट बैंक, नविल बैंक, स्ट्यान्डर्ड चार्टर्ड बैंक, बैंक अफ काठमाण्डूलगायत अन्य वाणिज्य बैंकको सेयर मूल्य बढेपछि बैंकिङ समूहको उपसूचक पनि बढेको छ ।

बिहीबार कारोबार सुरु हुँदा ४२६.५४ अंकमा रहको नेप्से सामान्य परिवर्तन आई कारोबार बन्द हुँदा ४२६.५७ अंकमा कायम रहको छ । नेप्सेमा सामान्य सुधार आए पनि कारोबारमा भने सुधार आएको छैन ।

बिहीबार नेप्सेमा कारोबार भएका कम्पनीमध्ये कमाउने कम्पनी धेरै समय पछि बढेका छन् । कारोबार भएका ५६ कम्पनीमध्ये २१ कम्पनीको सेयर मूल्य बढेको छ भने २८ कम्पनीको सेयर मूल्य घटेको छ ।  ७ कम्पनीको सेयर मूल्यमा कुनै परिवर्तन आएको छैन ।

समूहगत परिसूचकमा बैंकिङ १.४ र जलविद्युत् १४.७२ अंकले सकारात्मक रहेको छ भने विकास बैंक ५.४४, अन्य ३.५२, वित्त २.६५ र बिमा १.२३ अंकले घटेको छ । नेप्सेका कारोबार हुने क वर्गका कम्पनीको सेन्सेटिभ परिसूचक पनि ०.०७ अंकले घटेको छ ।

बिहीबार सबैभन्दा धेरै मूल्य ५३ रुपैयाँसम्म बढेको एभरेष्ट बैंकको १९ कारोबारबाट १६ लाख १५ हजार रुपैयाँ बराबरको १ हजार ३ सय ३३ कित्ता सेयर किनबेच भएको छ ।

बिहीबार एभरेष्ट बैंक, चिलीमे हाइड्रोपावर कम्पनी, नबिल बैंक, सिटिजन्स बैंक, बुटवल पावर कम्पनीलगायत अन्य कम्पनीको सेयर मूल्य बढेको छ । चिलिमे हाइड्रोपावर कम्पनीको ८ कारोबारबाट १५ लाख १९ हजार रुपैयाँ बराबरको १ हजार ८ सय ३० कित्ता सेयर किनबेच भएको छ, यसको सेयर प्रतिकित्ता २६ रुपैयाँसम्म बढेको छ ।

सबैभन्दा धेरै अर्थात् ४३ रुपैयाँले मूल्य घट्नेमा मर्चेन्ट फाइनान्सको ६ कारोबारबाट १ लाख ८३ हजार रुपैयाँ बराबरको ४ सय ५० कित्ता सेयर किनबेच भएको छ ।

यस्तै, मर्चेन्ट फाइनान्स, एभरेष्ट इन्स्योरेन्स, एलाइन्स इन्स्योरेन्स, क्लिन इनर्जि डेभलपमेन्ट बैंक, नागरिक लगानी कोषलगायत अन्य कम्पनीको सेयर मूल्य घटेको छ ।

एभरेष्ट इन्स्योरेन्स कम्पनीको ५ कारोबारबाट ४८ हजार रुपैयाँ बराबरको १ सय ६५ कित्ता सेयर किनबेच भएको छ, यसको मूल्य प्रतिकित्ता २७ रुपैयाँसम्म घटेको छ ।

सबैभन्दा धेरै रकम कारोबार भएको नबिल बैंकको १७ कारोबारबाट २१ लाख ५६ हजार रुपैयाँ बराबरको १ हजार १ सय ९७  कित्ता सेयर कारोबार भएको छ , यो बैंकको प्रतिसेयर मूल्य भने २१ रुपैयाँसम्म बढेको छ ।

धेरै सेयर कारोबार भएको अन्नपूर्ण फाइनान्सको १८ कारोबारबाट १४ लाख ८१ हजार रुपैयाँ बराबरको ६ हजार ७ सय १७ कित्ता सेयर कारोबार भएको छ ।

त्यसैगरी धेरै कारोबार भएको पब्लिक डेभलपमेन्ट बैंकको १ सय ४० कारोबारबाट ३ लाख ३१ हजार रुपैयाँ बराबरको २ हजार ४ सय ४० कित्ता सेयर किनबेच भएको छ ।

बिहीबार नेप्सेमा  कुल ५६ कम्पनीको ८ सय ६४ कारोबारबाट २ करोड १५ लख रुपैयाँ बराबरको ५९ हजार ९ सय ४४ कित्ता सेयर खरिद बिक्री भएको छ । यो कारोबार रकम, सेयर, कम्पनी र कारोबारका आधारमा बुधबारभन्दा थोरै हो ।

बुधबार नेप्से दोहोरो अंकले घटको भए पनि कारोबारमा भने सामान्य सुधार देखिएको थियो । बुधबार कुल ६२ कम्पनीको ८ सय ९९ कारोबारबाट ३ कारोड ८२ लाख ९४ हजार रुपैयाँ बराबरको ८२ हजार ४ सय ५० कित्ता सेयर किनबेच भएको थियो ।