भारतले आईपीएल भ्रष्टाचारको विषयमा अनुसन्धान गर्ने

भारतीय कर अधिकारीहरूले नाफायुक्त भारतीय प्रिमियर लिगमा लागेको भ्रष्टाचारको आरोपको अनुसन्धानलाई फराकिलो पारेका छन् । कर अधिकारीहरूले सेमिफाइनलको खेल सुरु भए लगत्तै कम्तीमा पनि ४ वटा क्रिकेट टिमलाई पक्राउ गरेको छ । भारतीय प्रिमियम लिगको प्रशारण अनुपमति पाएका ३ कम्पनीको कार्यालयमा पनि खानतलासी गरिएको छ । इन्डियन प्रिमियर लिगिमा विश्वका उत्कृष्ट क्रिकेट खेलाडीहरूको सहभागिता रहेको छ ।

तर संवाददाताहरूले फिल्डको क्रियाकलाप र उदासीनता तथा अस्वाभाविक विजय र पैसाको कारोबारले हालसालैका दिनमा देशलाई गाँजेको जानकारी दिएका छन् ।

बुधबार आईपीएलका अधिकारीहरूले कोलकाता नाइट राइडर्स, चेन्नाई सुपर किङ, डेकान चार्जर र किङ ११ को कार्यालयमा खानतलासी गरेको थियो ।

साताको सुरुमै अधिकारीहरूले मुम्बईमा आईपीएलको मुख्यालयको भ्रमण गरेका थिए ।

आईपीएलको स्वामित्वका बारेमा आईपीएल आयुक्त ललित मोदी र सरकारी मन्त्री शशी थारुरबीच आरोप प्रत्यारोप क्रम व्यापक रूपमा चलेको थियो ।

यो घटनाले टुर्नामेन्टमा माथिदेखि तलसम्मको सुरक्षाको विषयलाई तान्न सक्ने मुम्बईमा रहेका बीबीसीका सम्वाददाताले बताएका छन् ।

सञ्चारमाध्यमा सम्पे्रषित समाचारका आधारमा ललित मोदीलाई उनको कार्यालयबाट पनि दबाब आउन सक्ने सम्भावना रहेको छ ।

तर मोदी र  थारुर दुवैले कुनै पनि किसिमको गलत कार्य भएको भन्ने भनाइलाई अस्वीकार गर्दै आएका छन् ।

प्रहरीले डी वाई पाटिल रंगशालामा ३ हजार प्रहरीले सुरक्षा दिने र प्रत्येक व्यक्तिको खानतलासी गर्ने जानकारी दिएको छ ।

रंगशाला प्रवेश गर्ने प्रत्येक व्यक्तिको जाँच गरिने र सुरक्षाका लागि सबै किसिमका सावधानी अवलम्बन गरिएको मुम्बई प्रहरी प्रमुख ए एन रायले बताएका छन् ।

कम्तीमा पनि ६० मेटल डिटेक्टर र रंगशालाको सबै कुनामा क्लोज सर्किट क्यामेरा राखिएको पनि प्रहरीले जानकारी दिएको छ ।

रंगशालाले बुधबारको सेमिफाइनल खेलको आयोजना गरिसकेको छ भने बिहीबारको खेलको पनि आयोजना गर्दैछ । यसैगरी यो रंगशालाले शनिबारको तेस्रो स्थानका लागि हुने म्याचको पनि आयोजना गर्दैछ ।

बैंगलोरको चिन्नास्वामी रंगशालाको बाहिर २ साना बमहरू विस्फोट गरिएपछि बैंगलोर रोयल च्यालेन्जर र मुम्बई इन्डियनको म्याचका लागि स्थान परिवर्तन गरेर मुम्बई लगिएको थियो ।

तेस्रो बमलाई आइतबार निष्क्रिय गराइएको थियो ।

सबै तीनवटै बमलाई रंगशालाको पर्खालमा राखिएको थियो र २ बम विस्फोट हुँदा १५ घाइते भएको थिए ।

आईपीएल बहु अर्ब डलरको उद्योग भएको छ , जसले केही धनाढ्य भारतीय उद्योगपतिहरूलाई आकर्षित पनि गरेको छ ।