पाका तथा सर्बोच्च नेताको निधन- मनमोहनसिंह, यस्तो छ बिश्वसमुदायको प्रतिक्रिया

 भूतपूर्व प्रधानमन्त्री तथा कांग्रेस सभापति गिरिजाप्रसाद कोइरालाको निधनप्रति भारतीय प्रधानमन्त्री मनमोहनसिंहका साथै बिश्वसमुदायले गहिरो दुख प्रकट गरेका छन् । 

भारतीय प्रधानमन्त्री मनमोहन सिंहले नेपालका सर्वोच्च तथा दक्षिण एशियाका पाका नेता गिरिजाप्रसाद कोइरालाको निधनप्रति दुःख व्यक्त गरेका छन् ।

शनिबार प्रधानमन्त्री सिंहले कोइरालाकी छोरी सुजाता कोइरालाको  नाममा  समवेदना संदेश पठाउँदै कोइरालाको निधनले आफू स्तब्ध भएको उल्लेख गरेका छन् । संदेशमा उनले भनेका छन्'कोइराला नेपालको सर्वोच्च तथा दक्षिण एशियाका वरिष्ठ  नेता मध्ये एक थिए । उनले आफ्नो सम्पूर्ण जिवन राजनीतिमा विताएका थिए ।'सिंहले कोइरालाको निधनले एक युगको अन्त्य भएको बताएका छन् । कोइरालाको ज्ञान र वुद्धिले नेपालको राजनीतिलाई सहिमार्गमा दोर्‍याएकोसमेत सिंहले उल्लेख गरेका छन् ।

सिंहले कोइराला प्रजातन्त्र स्थापनाको लागि आजिवन संघर्ष गरेको उल्लेख गर्दै प्रजातन्त्र पूर्नबहालीपछिको  पहिलो जननिर्वाचित प्रधानमन्त्री भएको बताएका छन् । साथै सिंहले कोइरालाको सल्लाहले दुई देशबीचको सम्बन्धमा मात्र नभई दक्षिण एशियाको सम्बन्ध सुधार भएको उल्लेख गरे।

शान्ति प्रक्रिया र संविधान निर्माणलाई टुंगोमा पुर्‍याउन सके कोइरालाप्रति सच्चा श्रद्धान्जलीः अनमिन 

नेपालस्थित संयुक्त राष्ट्रसंघीय उच्चायुक्त प्रमुख करिन लनग्रेनले लोकतान्त्रिक नेपालको अद्धितीय एवं साहसी पहरेदार गिरिजाप्रसादप्रसाद कोइराला निधनले अनमिन स्तव्ध भएको बताएकी छन् ।

शनिबार  संवेदना संन्देश जारी गर्दै लनग्रेनले कोइरालाको निधनले नेपालमा कार्यरत अनमिन टोली शोकमा डुवेको उल्लेख गरेकी छन् । साथै कोइरालाको शान्ति प्रक्रियाप्रतिको प्रतिवद्धतालाई आत्मसात गरी शान्ति प्रक्रिया र संविधान निर्माणलाई टुंगोमा पुर्‍याउन सके कोइरालाप्रति सच्चा श्रद्धान्जली हुने बताएकी छिन् ।

प्रजातन्त्र र शान्तिका लागि संघर्षरत नेताः अमेरिका

अमेरिकी दूतावासले जीवनभरी प्रजातन्त्र र शान्तिको लागि संघर्षरत नेता रहेको उल्लेख गर्दै स्व. कोइरालाप्रति श्रद्धाञ्जली व्यक्त गरेको छ ।

शनिबार दिउँसो बिज्ञप्ति जारी गरी अमेरिकी जनताको तर्फबाट कोइरालाको निधनमा सम्बेदना व्यक्त गर्दै नेपाली जनताप्रति एक्यबद्धता जनाएको हो ।

दश बर्षे क्रुर गृहयुद्धको अन्त्य र शान्ति स्थापनाको आधार तयार गर्न कोइरालाले नेतृत्वदायी भुमिका खेलेको पनि अमेरिकाले उल्लेख गरेको  छ ।

'कोइरालाप्रति साँचो सम्मान शान्ति प्रकृयालाई तिब्रता दिनु र नयाँ संविधानका लागि जतिसक्दो चाँडो काम गर्नुहुनेछ'उसले भनेको छ ।