माओवादीसँग मिलेर नयाँ सरकार बनाउने चेतावनी

कांग्रेसमा सरकार परिवर्तनको बहस सुरु भएपछि नेकपा एमालेले कांग्रेसले सरकार छाडे माओवादीसँग मिलेर नयाँ सरकार बनाउने चेतावनी दिएको छ ।

राजधानीमा आज आयोजित एक कार्यक्रममा बोल्दै नेकपा एमालेका पोलिटब्युरो सदस्य प्रदीप नेपालले वर्तमान सरकारबाट कांग्रेसले समर्थन फिर्ता लिए एमाले र माओवादीको गठबन्धन बन्ने दाबी गरेका हुन् ।

उनले भने –यो सरकारबाट कांग्रेसले समर्थन फिर्ता लियो भने एमाले र माओवादीको गठबन्धन बन्छ ।नेता नेपालले अहिले माओवादी या कांग्रेसको नेतृत्वमा सरकार बन्न नसक्ने ठोकुवा गर्दै भने अहिलेको सरकारको विकल्प छैन माओवादी पनि यसैको नेतृत्वमा आउँछ र यसैले शान्ति र संविधान बनाउँछ ।

नेपालले उच्चस्तरीय राजनीतिक संयन्त्र बूढा नेताहरुको चिया खाने क्लब मात्र भएको टिप्पणी गरे । उनले एमाले प्रजातान्त्रिक पार्टी भएकाले पार्टीभित्र विवाद रहेको तर महिना दिनमा बैठक राखे सबै ठीक हुने दाबी गरे । १४ प्रदेश आवश्यक नहुने पनि उनले बताए ।