जलवायु परिवर्तनको असरः खतरनाक रोगहरुमा वृद्धि

विश्व जलवायुमा भइरहेको परिवर्तनका कारण पानी तथा कीटजन्य रोगहरुको तीव्र वृद्धि भइरहेको छ । नेपालमा विगत १० वर्षा कीटाणुबाट हुने रोगहरुमा ५ देखि १० गुणासम्म वृद्धि भएको पाइएको छ ।
नेपालीहरु बिरामी हुनुको ५१ प्रतिशत कारण सरुवा रोगहरु नै हुन् । यी रोगहरुमध्ये अधिकांश रोगहरु जलवायु परिवर्तन (Climate Change)का कारण तीव्र गतिमा वृद्धि हुन थालेका छन् । साथै नर्सर्ने रोग (स्वास्थ्यसमस्या) का रुपमा लिने गरिएको चोटपटक तथा मानसिक रोग पनि जलवायु परिवर्तनका कारण लगातार वृद्धि भइरहेको पाइएको छ ।
भविष्यमा जलवायु परिवर्तनका कारण उत्पन्न हुने रोगहरुको नियन्त्रण नेपालका लागि अझ चुनौतीका रुपमा देखिने भएकोले त्यसका लागि स्वास्थ्यसम्बन्धी नीति, रणनीति तथा कार्यक्रमहरुमा व्यापक परिमार्जनको आवश्यकता महसुस गरिएको छ ।